Comezamos curso

Bo día familias!

Este curso é o último na nosa etapa de infantil. Temos un compi novo e para que nos coñezamos imos presentarnos. Tamén vos deixamos algunha foto na nosa aula nestes primeiros días.

Bo curso Pitufines!

Moitas grazas Pitufines

Este foi o último curso en educación infantil para todos/as vós. Compartimos tres cursos un tanto difíciles debido á situación sanitaria, pero fostes valentes e demostrastes que vos adaptades con total naturalidade a calquera situación.

Vouvos botar moito de menos, pero sempre lembrarei os vosos sorrisos, as veces que me fixestes rir e rimos xuntos, as veces que me sorprendestes coa vosa imaxinación, as veces que me mirastes con eses olliños que só vós sodes capaces de pór... 

Espero que disfrutedes da nova etapa en primaria e que sigades sendo tan bos e boas como agora.

Nos vos olvidedes de facerme unha visita que estou na planta baixa e lembrade que para o próximo curso tedes que subir unha planta. 

Esta fin de semana puiden ler todas as mensaxes que me mandastes nesta caixiña preciosa. Un regalo feito co corazón.

MOITAS GRAZAS PITUFINES E BO VERÁN!!

Déixovos abaixo un enlace á entrada da Bibliocrocaio co festival de fin de curso de todo o colexio.

FESTIVAL FIN DE CURSO 

https://crocaiodesampaio.blogspot.com/2022/06/o-curso-20212022-chega-ao-seu-fin.html

Cumple de Erik, Sara e Teo.

Esta semana celebramos o cumple de Erik, Sara e Teo, xa que a súa data é no verán e non poderemos vernos.

Parabéns Erik!!

Parabéns Sara!!

Parabéns Teo!!

Recolleita na horta

O martes fomos á nosa horta ecolóxica a recoller leitugas e as levamos para casa.

E como podedes ver temos tres clases de leituga.

Xogamos con Xandobela

Este xoves todo o colexio puido disfrutar dunha sesión de xogos creados por Xandobela, grazas ao premio que lle deron ao alumnado de 5º e 6º de primaria pola súa colaboración na nosa biblioteca, gravando contos que disfrutamos e moitas cousas máis.

Deixámosvos o enlace ao blog da Bibliocrocaio para que vexades o ben que o pasamos.

https://crocaiodesampaio.blogspot.com/2022/06/premio-ao-voluntariado-lector-do-noso.html

Tamén podedes ver a excursión de fin de curso que xa vos amosamos, pero de todo o colexio.

https://crocaiodesampaio.blogspot.com/2022/06/rosalia-de-castro-unha-das.html

"ONCE"

O luns Marta, nai de Teo, quixo colaborar coa Bibliocrocaio do noso colexio narrándonos unha preciosa historia que podedes ver con máis detalle no blog da biblioteca, tedes o enlace na columna da dereita.

Marta, como escritora que é, quiso que nós fósemos os protagonistas deste precioso conto, cheo de amor e titulado

"ONCE"

Deíxomos tamén aquí o enlace á montaxe que fixo a Bibliocrocaio.

Moitas grazas Marta!

Excursión fin de curso

Este xoves todo o colexio fixemos a excursión fin de curso a Padrón, onde vimos a casa de Rosalía de Castro, e a Santiago de Compostela, comimos e xogamos no parque de Bonaval, paseamos polas rúas e soportais e vimos a catedral.

Día do Medio Ambiente

O día 5 de xuño celebrouse o Día do Medio Ambiente e nós quixemos falar das cousas que facemos para coidar o noso planeta e outras que podemos facer.

Estivemos vendo un dos moitos libros que hai na Bibliocrocaio que falan deste tema e eleximos este.

Tocamos o violín

Fai uns días o mestre de música Cándido amosounos como colocar e tocar o violín.

Unha experiencia preciosa!

Saída á Praia de Samil

Este venres fomos á praia de Samil o alumnado de infantil, 1º e 2º de primaria. 

Aquí vos deixamos un pequeno vídeo do ven que o pasamos.

A nosa pisada na Lúa

Esta semana puxémonos o traxe de astronauta e coa nosa imaxinación fixemos unha viaxe á Lúa e alí deixamos a nosa pisada. 

Achegádevos á Lua e mirade!

Día das Letras Galegas 2022

Este ano o Día das Letras Galegas dedícase a Florencio M. Delgado Gurriarán (1903-1987).

Fixemos varias actividades nestes días, como as nosas propias creacións artísticas do seu retrato.

Traballamos unha estrofa do seu poema titulado "A caldeira", que fala do río Farelos na provincia de Ourense. 

"Do río Farelos

     ahí ven a caldeira

      para matar a sede

        de todas as terras."

Falamos dos ríos, da auga e aproveitamos para facer un experimento. Escribimos en galego varios elementos e comprobamos se flotaban ou non e os resultados apuntámolos nunha ficha.

Tamén fíxose no colexio apadriñamento lector, cada alumno ou alumna maior leía un libro en galego aos máis pequenos no patio do colexio.

Se queredes saber máis sobre este escritor podedes visitar o blog de Bibliocrocaio o a web do cole onde tedes dous podcast de 5º e 6º de primaria que fixeron na radio do colexio que estreamos este ano.

Boomwhackers e improvisación musical dirixida.

Na aula de música co mestre Cándido empregamos Boomwhackers, instrumento musical de percusión consistente nuns tubos codificados por cores, sintonizados a un tono musical por lonxitude.

Tamén fixemos improvisación libre dirixida con xilófonos e metalófonos.

Deixámosvos un pequeno vídeo.

Certame de danzas

O martes con todo o colexio fixemos un certame de danzas que preparamos co mestre de música Cándido. Aquí vos deixamos os enlaces a cada unha delas. 

Nós participamos nas catro primeiras e na última, que as disfrutedes.

Moitas grazas profe Cándido, quedaron preciosas!

Semana da froita

Esta semana participamos de novo na semana da froita, dentro do programa Alimenta-T Ben do Plan Proxeta.

Visitamos Naturnova

Relacionado co proxecto da Bibliocrocaio Con-ciencia e ficción centrado no espacio, o pasado venres fixemos xunto co alumnado de 1º e 2º de primaria, unha visita a Naturnova, centro interactivo de educación ambiental. Aquí vos deixamos un vídeo con algunhas das actividades que alí fixemos, como a viaxe nun simulador de submarino con gafas 3D.

Visita a Balaídos

O martes fomos ver o estadio de Balaídos xunto con máis alumnado de primaria.

Visitamos o museo

Vimos o campo de fútbol

Sentámonos nos vestiarios dos xogadores do Celta

E outras moitas cousas que podedes ver nesta montaxe da web do colexio, tedes o enlace na columna da dereita.

Cumple de André e Clara

 O luns tamén celebramos o cumple de André e Clara.

Parabéns André!!

Parabéns Clara!!

Ti si que es un bo peixe

O luns tivemos o obradoiro Ti se que es un bo peixe, pertencente ao programa Aliménta-T Ben, para fomentar o consumo de peixe dentro dunha dieta saudable. Podedes ver na web do cole un vídeo coa actividade de todo o colexio.

Día do Libro

Onte 23 de abril foi o Día do Libro e no noso colexio celebrámolo o venres xunto co resto do colexio.

Como aínda non podemos estar todas as clases xuntas, fixemos co mestre de música Cándido unha interpretación por clases dunha canción de María Helena Walsh e elaboramos un Kamishivai con láminas feitas por todo o alumnado. Quedou precioso.

Moitas grazas profe Cándido!

O venres vimos o resultado en todas as clases.

  

O voluntariado da Bibliocrocaio de 5º e 6º de primaria fixo as recomendacións lectoras e déronnos os trípticos que levamos para casa. 

Tedes todo no blog da biblioteca na columna da dereita. 

Cumple de Emma e Martina

Este martes celebramos o aniversario de Emma e Martina.

Felicidades Emma!!

Felicidades Martina!!

Looking for Easter Eggs.

A mestra de inglés Marisol, escondeu no patio ovos de Pascua "Easter eggs" e tivemos que atopalos. Tamén fixemos unhas orellas de coello. Foi moi divertido.

Grazas profe Marisol!!

Chegou a primavera. Sementamos pipas de xirasol

O luns quixemos celebrar o comezo da primavera sementando pipas de xirasol xunto co resto do colexio. O fixemos nuns recipientes pequenos e cando medren poderemos levalos para casa e plantalos en maceta grande ou nas vosas hortas.

Así o fixemos.

Benvida primavera!!

As nosas constelacións

A semana pasada creamos as nosas propias constelacións con estrelas que recortamos e puxémoslle os nomes. Aquí tedes algunhas.