O xoves 25 celebramos o Día Internacional contra a Violencia de Xénero xunto ao resto do colexio.
Animádevos a ver as actividades de todo o colexio na web do cole e no blog da Bibliocrocaio, tedes os enlaces na marxe dereita.
Aquí vos deixamos algunhas actividades que facemos en clase para traballar os números, practicamos con pequenas sumas e xogamos ao bingo.
Sumamos:
Fai uns días estivemos a preparar un debuxo e unha carta de ánimo que fixemos entre todos/as para os nenos e nenas de La Palma. Metímola nun sobre e a profe levouna a correos.
Esperamos que lles chegue pronto todo o noso cariño!
Esta semana aprendimos a xogar ao tres en raia. Traballamos as emocións e recortamos uns sorrisos de dúas cores como fichas.
O venres celebramos o Samaín e o magosto. Grazas ás familias fixemos unha exposición de cabazas, xunto co resto do alumnado do colexio.
Pasamos polo túnel do medo, comimos castañas e merendas terroríficas, xogamos, vimos a película Coco e fixemos manualidades que daban medo.
Abaixo tedes un vídeo da nosa clase, tamén podedes ver o de todo o colexio na web e algúns libros de medo no blog da Bibliocrocaio. Pinchade os enlaces da columna.
Boa finde!
Este venres 22 celebramos a inauguración da nosa Bibliocrocaio deste curso.
Crocaio, a mascota da nosa biblioteca, deunos os carnés, as guías de usuario, as carpetas, a mochila viaxeira e un agasallo.
Grazas Crocaio!!
O próximo venres comezaremos o préstamo de libros da Bibliocrocaio, para que volos lean nas vosas casas. Lembrade devolvelo na mesma carpeta antes do seguinte venres para poder levar outro.
E, como xa sabedes, podedes consultar todo o relacionado coa nosa Bibliocrocaio no enlace que tedes na columna da dereita deste blog.
