Actividades xoves 30 de abril

Bo día Pitufines.
Esta semana é máis curta xa que mañá é festivo. E como o día 2 de maio conmemórase o Día Internacional contra o Acoso Escolar, déixovos un bonito conto para pensar. O domingo colgarei as fotos desta semana.
Actividades para hoxe:
1. Conto: "Al ratoncillo diminuto le hacen bullying", ao rematar falade de como debemos tratar aos demais e nunca burlarnos de ninguén.

2. Manualidade: labirinto. Hoxe precisades a tapa dunha caixa de zapatos e uns paus ou palliñas. Botádelle pegamento ás palliñas e que vos axuden a pegalas. Despois vos digo como xogar para cando esté seco.

3. Grafomotricidade: nun folio practicar estes trazos.

4. Psicomotricidade: xogar no labirinto cunha canica ou pelotiña pequena, suxeitando a caixa coas mans.

5. Inglés: Parts of your face. Partes de la cara.

Ata o luns familia.

Actividades mércores 29 de abril

Bo día a tod@s.

Estas son as actividades deste mércores, lembrade que o profe Cándido deixa as súas no blog de música, tedes á dereita o enlace.

1. Conto: "Orellas de bolboreta". Ao rematar de escoitalo, facer un debuxo dun amigo ou amiga vosa.

2. Manualidade: cunha botella, un tapón ou peza pequena e unha corda fina ou la,  facede este xoguete. Despois en psicomotricidade vos digo como xogar.

3. Lecto-escritura: que vos escriban en maiúsculas as letras do voso nome en cadradiños, remexelas e ordenalas para formar o voso nome.

4. Psicomotricidade: coa manualidade que fixestes, suxeitar pola parte estreita a botella e lanzar hacia arriba o tapón que está atado e intentar metelo dentro.

Ata mañá familia.

Actividades martes 28 de abril

Bo día familia.

Aquí vos deixo as actividades para hoxe.

1. Conto: "La ovejita que vino a cenar", podedes facer un debuxo despois de velo.

2. Manualidade: imos traballar a cor laranxa, para elo que vos debuxen tres cenorias e tedes que pintalas con témpera ou acuarela, se pode ser con pincel mellor. se non co dedo. 

         

                         


3. Grafomotricidade: hoxe practicamos este trazo.

4. Psicomotricidade: aquí vos deixo as ordes destes últimos animaliños.

5. Inglés. Story time: listen to the story “ No, David, no”

Ata mañá Pitufines.

Actividades luns 27 de abril

Bo día Pitufines.

Por fin xa podedes ir un pouco a rúa, pero recordade:

- Saír só unha hora ao día.

- Cerca de mamá/papá.

- Distancia con outras persoas.

- Mascarilla se a tes.

- Podes levar os teus xoguetes pero non ir aos parques.

- Ao chegar a casa lavar as mans.
Pasádeo ben.

Aquí vos deixo as actividades deste luns, hoxe imos continuar co proxecto da Bibliocrocaio sobre o mar.

1. Conto: "El colegio ecológico de Chelo". Despois de escoitar o conto, facer un debuxo e falar do triste que resulta ver os plásticos no mar e a importancia de reciclalos.

2. Manualidade: con témpera ou acuarela pintamos unha man, a estampamos nun folio e teredes este simpático peixiño. Poñédelle o voso nome e gardádeo cos traballos sobre o mar. 

3. Contamos cun experimento: collemos dous vasos transparentes, enchémolos con auga do grifo. Botamos nun deles 6 culleradas de sal, contámolas unha a unha mentres as botamos. Remexemos ben para disolver o sal. Despois metemos no vaso sen sal un ovo, flota ou non? logo o metemos no vaso con sal, flota ou non? Xa me contaredes. 

4. Psicomotricidade: como hoxe estamos como peixes na auga, para rematar tedes que mostrar a vosa habilidade con dous paus e intentar coller tapóns de plástico que estarán flotando nun recipiente. Procurade non salpicar moito ou pór unha toalla debaixo.

Ata mañá familia.

Fotos da semana

Bo día familia.

Aquí vos deixo as fotos desta semana, e un par de montaxes do Día do Libro e da receta de froita.

Felicidades André

Preparamos esta tarta tamén para ti. Unha gran aperta e un enorme bico!

A soprar a tarta! Pásao moi ben!

Actividades venres 24 de abril

Bo día a tod@s.

Hoxe imos a felicitar a Clara que está de cumple, moitas apertas e bicos! 

Aquí tes a túa tarta virtual. Sopra forte Clara!

Mañá outra sorpresiña e o domingo subo as fotos desta semana.

Estas son as actividades:

1. Para rematar o Semana do Libro podedes ler outro conto da guía de lectura de Crocaio do luns.

2. Merenda de flores: hoxe vos propoño facer unha bonita merenda, animádevos a facer flores con froita. Pode ser plátano, amorodos, mazá, mandarina...

E despois a comer... non vos olvidedes antes de sacar algunha foto.

3. Grafomotricidade: practicamos estes trazos. Repasádeos cun lapis.

4. Psicomotricidade: outros amiguiños queren xogar con vós.

Isto é todo por hoxe. 

Boa finde familia.

Actividades xoves 23 de abril

Bo día familia.

Hoxe día 23 de abril celébrase o Día Mundial do Libro e do Dereito de Autor, aínda que xa o estamos celebrando toda a semana. Se estades a ler ou ver algún libro, podedes mandar as fotos. Se facedes esta semana debuxo dalgún libro, podedes mandar a foto vosa xunto ao debuxo e se pode ser o libro e que vos poñan o título do cal fixestes o debuxo.

Actividades de hoxe:

1. Conto: podedes seguir lendo algún conto da guía de lectura de Crocaio para esta Semana do Libro. 

2. Manualidade: hoxe, se vos animades, propoño unha manualidade libre relacionada con libros. Déixovos algunhas ideas como un marcapáxinas, monecos lendo un libro... o que se vos ocorra.

   

3. Exercicio de discriminación visual: decir en cada fila cal é o diferente, sen axuda.

4. Psicomotricidade: que nos mandan facer estes simpáticos animaliños?

5. Inglés: "Five litle ducks", a profe Marisol deixou tamén un debuxo.

Ata mañá Pitufines.

Actividades mércores 22 de abril

Bo día Pitufines.

Hoxe día 22 de abril celébrase o Día da Terra, para concienciar que todos debemos convivir nun único planeta, a Terra. Por iso a importancia de coidala e protexela ante os perigos como o cambio climático ou o calentamento global. Non vos olvidedes de reciclar e reutilizar.

Algunhas actividades para hoxe están relacionadas con este día.
1. Conto: "Capitán Verdemán", hoxe ao rematar falade de onde reciclamos os residuos, os plásticos no contenedor amarelo, papel no azul...

2. Manualidade: usade a imaxinación e crear algún xoguete ou obxecto con materiais reciclados. Aquí vos deixo un exemplo.

3. Grafomotricidade: practicamos trazos verticais e horizontais. Repasádeos cun lapis. 

4. Psicomotricidade: facer o que vos din os animaliños.

Ata mañá familia.

Actividades martes 21 de abril

Bo día a tod@s.

Que tal estades? Polas fotos vexo que ben. Ánimo a todo o mundo! Aquí vos deixo as actividades para hoxe.

1. Conto: podedes ler os libros propostos no boletín de Crocaio de onte, tamén podedes sacar fotos, como se comentou no blog da biblio.

2. Manualidade: facer títeres con calcetíns vellos. En lugar de pegar botóns, podedes pintarlle ollos, nariz e boca. Se tedes la, podedes pegarlle pelos. 
A xogar con eles!

         

            










3. Lóxico-matemática: que vos escriban varios 1 e repasalos co lapis. Intentade logo facelo sen repasar.

4. Psicomotricidade: facer o que dicen estes outros animaliños.

5. Inglés: "My family"

Ata mañá familia.

Actividades luns 20 de abril

Bo día familia.

Onte deixeivos as últimas fotos que mandáchedes.

Esta semana celebramos o Día do Libro e como outros anos a Bibliocrocaio publica o boletín de lecturas recomendadas para estes días. Debido ao confinamento, esta vez será interactivo e pinchando no libro que queirades xa o podedes ler. Tedes máis información e actividades no blog da Bibliocrocaio. De todas formas déixovos aquí tamén o boletín.

1. Conto: esta semana podedes ler os libros propostos no boletín da Bibliocrocaio.
2. Manualidade: practicamos coas tesoiras. Cun rollo de papel de cociña facede pelos como na foto e despois convertiros en perruqueir@s, cortándolle o pelo do longo que queirades.

3. Grafomotricidade: hoxe vos propoño practicar este grafismo:liñas horizontais. Que volo copien nun folio e o repasades cun lapis.

4. Psicomotricidade: facer o que vos di cada animaliño.

Ata mañá Pitufines.

Fotos da semana

Ola Pitufines.

Aquí vos deixo as fotos da semana, algunhas con debuxos para Emma e Martina, que estiveron de cumple. Tamén unha pequena montaxe do cumple de Martina na súa casa. 

Bicos e ata mañá.

Fotos da semana:

Vídeo de Raúl pintando:

Actividades venres 17 de abril

Bo día Pitufines.

Déixovos as últimas actividades desta semana. 

Mañá ou pasado subirei as fotos que mandastes esta semana. Recordade tamén de enviar as fotos dos traballos que propuxo Crocaio, se é que os fixéchedes.

1. Conto: "Chivos chivóns", despois de velo facer un debuxo.

2. Manualidade: ao debuxo que fixestes antes ou a outro que vos guste facédelle un marco con pasta. Se o pegades nunha cartolina podedes usalo de cadro.

3. Lóxico-matemática: se tedes pezas de construción facede columnas de 1, 2 e 3 pezas, se sabedes algún número máis podedes seguir.

4. Xogo: tedes que imitar a un animal con xestos e ruídos sen falar e outra persoa que adiviñe que eres, despois intercambiades os papeis.

Bicos.

Actividades xoves 16 de abril

Bo día a tod@s.

Estas son as propostas para o día de hoxe.

1. Vídeo: "El jardín". Mirade este vídeo e despois falades sobre el con mamá ou papá, que parques ou xardíns coñecedes, onde comprades as froitas e verduras...

2. Manualidade: animádeos a facer unha árbore parecida a esta. O tronco o facedes poñendo a man e marcándoa, poden axudarvos. Despois cortades anaquiños de papel verdes ou facedes boliñas verdes e os pegades.

3. Lóxico-matemática: hoxe imos traballar o triángulo, para iso tedes que buscar nas vosas casas cinco cousas que teñan esa forma. 

4. Psicomotricidade: collede unha silla e un maior que vos mande pór diante dela, detrás, a un lado, ao outro lado, debaixo, enriba…

5. Inglés: "Everything's blue"

Ata mañá familia.

Actividades mércores 15 de abril

Bo día familia.

Para comezar o trimestre e non olvidarnos da nosa mascota Popi, déixovos un conto que presenta un pequeno proxecto sobre a primavera e a horta.
Estas son as actividades:
1. Conto: "Un huerto en el jardín", escoitar a historia e despois facer un debuxo.

2. Manualidade: animádevos a facer unha flor co cartón dos ovos, pintádea da cor que máis vos guste.

3. Lóxico-matemática: non sei se puxéchedes as lentellas no algodón como vos dixera fai días, o que vos pido e que contedes cantas vos creceron e se vos animades, con axuda dun maior, medir o talo.

4. Xogo de tacto: decídelle a un maior que vos meta nunha bolsa opaca un obxecto ou xoguete pequeno, non miredes. Tedes que meter a man e adiviñar polo tacto o que é. Probade con varias cousas.

Ata mañá Pitufines

Benvidos outra vez Pitufines!

Qué tal a semana? Xa estamos outra vez aquí xunt@s, aínda que sexa de forma virtual. Espero que estedes tod@s ben. 

Hoxe vou pór só dúas actividades, xa que é o primeiro día do trimestre. O que si vos deixo son fotos do cumple de Emma que o celebrou o xoves pasado na súa casa e doutras actividades que fixeron André e Erik.

Quero felicitar a Martina que está hoxe de cumple.

Unha gran aperta e un enorme bico Martina! Abaixo tes a túa tarta virtual para que soples as velas.

FELICIDADES MARTINA!

Que sepades que Erik fixo unha manualidade para tod@s os que cumplen anos este mes, unha gran tarta! Grazas Erik.

E agora as dúas actividades para hoxe:

1. Psicomotricidade: que bailedes un montón que temos que celebrar os dous cumples.

2. Facerlles un debuxo a Emma e Martina.

Ata mañá Pitufines!

Bicos

Grazas Erik!

FELICIDADES EMMA!

Aínda que non podamos vernos, queremos darte unha gran aperta e un enorme bico.

Xa celebraremos o teu cumple tod@s xunt@s á volta, mentras sopla esta tarta virtual.

Que o pases moi ben!