Rosalía de Castro

O día 23 de febreiro celébrase o Día de Rosalía de Castro. No noso colexio estivemos esta semana facendo distintas actividades para conmemorar este día e tamén en colaboración coas familias.

O alumnado de primaria fixo unha adaptación do poema de Rosalía de Castro "Adiós ríos, adiós fontes", combinando os dous primeiros versos de cada estrofa con dos versos creados polo alumnado. O alumnado de infantil coloreou as letras do título que lle puxemos a este poema mitad Rosalía mitad CEIP Eduardo Pondal e que levamos para casa.

Poema orixinal de Rosalía de Castro:

"Adiós ríos, adiós, fontes"

Adiós, ríos; adios, fontes;

adios, regatos pequenos;

adios, vista dos meus ollos:

non sei cando nos veremos.

Miña terra, miña terra,

terra donde me eu criei,

hortiña que quero tanto,

figueiriñas que prantei,

prados, ríos, arboredas,

pinares que move o vento,

paxariños piadores,

casiña do meu contento,

muíño dos castañares,

noites craras de luar,

campaniñas trimbadoras,

da igrexiña do lugar,,.

E este é o poema combinado, no que participamos co título.

E outra actividade que fixo o colexio en colaboración coas familias foi recitar uns versos do poema orixinal noutros idiomas. 

Na nosa aula a nai de Brais recitouno en rumano e a nai de Nuno en portugués.

Cando teñamos a montaxe xa o poderedes ver.