Actividades martes 31 de marzo

Bo día familias.

Como sabedes os libros que temos este ano, "Palomitas de maiz" da editorial Alagaida (Anaya), traballa por pequenos proxectos, dous proxectos por trimestre. Agora estabamos co proxecto da auga. A editorial mandounos algún material que podemos empregar. 
Para que non vos olvidedes das nosas mascotas, Popi e Pepín, vouvos pór esta semana os contos que vimos deles na clase, un cada día, e así llos presentades á vosa familia.

1. Conto: "Pepín y Popi", despois de mirar o conto debuxade a Pepín, facedes un gran círculo e pintades unha metade vermella e outra verde, se queredes podedes facerlle pernas e brazos.

2. Manualidade e lectoescritura: buscade un trozo de cartón dunha caixa de cereais ou similar e recortade un círculo, escribide unha A no centro e arredor pegade debuxos (de revistas ou periódicos que non vos sirvan) que comecen por esa letra. Tamén serven debuxiños que fagades.

3. Lóxico-matemática: hoxe imos traballar outra vez coas formas círculo e cadrado. Tedes que buscar entre as vosas cousas 5 obxectos que teñan forma de círculo e 5 de cadrado. Déixovos unhas pistas.

4. Psicomotricidade: equilibrio.

Necesitamos unha culler e unha pataca ou pelota pequeniña. Tedes que agarrar a culler coas mans, pór a pataca e intentar manter o equilibrio, se sodes capaces andar uns pasos. 

5. Inglés:"The magic forest" 2

Ata mañá.

Bicos.

Actividades luns 30 de marzo

Bo comezo de semana Pitufines:

Que tal o finde? Xa estamos outra vez xunt@s, aínda que sexa a través do blog. 

Lembrade que as actividades de música da semana as tedes no blog de Cándido. Tedes o enlace a dereita deste blog.

Aquí vos deixo a proposta para hoxe.

1. Conto: "El monstruo de colores". Despois de escoitalo, escollede a cor que máis os guste e facede un debuxo.

2. Manualidade e lectoescritura: "Bolboretas amarelas"

Como estamos en primavera imos facer unhas boboretas. Sós ou con axuda, debuxamos o corpo da bolvoreta no centro dun folio, despois pintamos as palmas das mans de cor amarela e facemos as ás como no debuxo.

Ao acabar que vos escriban debaixo con maiúsculas

"BOLBORETA  AMARELA", e rodeamos con lápis todas as letras A. Poñédelle o voso nome á ficha.

3. Lóxico-matemática: hoxe precisamos unha percha e dez pinzas da roupa. Colocamos todas a pinzas do lado dereito e ímolas pasando de unha en unha ao lado esquerdo mentres as contamos (que as quiten e as pongan sós empregando o dedo polgar e o índice). Tamén poden facer series, coma o outro día, con dúas cores.

4. Psicomotricidade: se tedes unha caixa, que vos fagan un buraco no centro e intentade meter unha pelota por el sen tocala.

5. Inglés: "The magic forest" 1

Isto é todo por hoxe.

Ata mañá Pitufines.

Actividades venres 27 de marzo

Bo día Pitufines:

Déixovos as actividades para hoxe. 

1. Conto: "La mejor familia del mundo". Despois de ler esta preciosa historia, facede un debuxo da vosa familia, sen axuda de ninguén.

2. Manualidade: facemos medusas.

Seguindo co proxecto sobre o mar, hoxe imos facer unha medusa. Toca practicar coas tesoiras, facendo cortes rectos de tiras de papel de distinta lonxitude. Podemos usar papeis que non sirvan e reciclalos. Despois pegamos as tiras para facer unha medusa. Poden axudarnos a facer a cabeza.

3. Lóxico-matemática: concepto longo-curto.

Aproveitando a medusa, imos a contar cantas patas lle fixemos. Despois buscamos cal é a máis longa e cal a máis curta. Recordade porlle o voso nome á medusa.

4. Psicomotricidade: as partes do corpo.

Imos comprobar cantas partes do corpo coñecedes e de paso rir un pouco. Temos que ir andando tocando cunha man a parte do corpo que me digan. Comezaremos por partes xerais como brazo, perna, cabeza... e seguiremos por partes máis pequenas como ombro, codo, xeonllo, talón, nariz, pé... 

5. Inglés: "The Magic Forest"

Ata o luns Pitufines.

Que pasedes unha boa fin de semana.

Bicos.

Actividades xoves 26 de marzo

Bo día familia.

Hoxe quero agradecer ás familias toda a vosa labor de cooperación, para poder levar ás vosas casas un anaquiño da aula e facer sentir aos máis pequen@s algo máis preto do noso colexio.

Ánimo a tod@s, aínda nos quedan moitas forzas para seguir traballando en equipo.

Actividades para hoxe:

1. Conto: "Nadarín", mirade este bonito conto e facede un debuxo do mar.

2. Manualidade: animádevos a facer un peixiño con materiais que teñades na vosa casa. Podedes gardar todas as cousiñas que fagades sobre o mar para traelos ao cole cando nos vexamos, como o polbiño do outro día, o debuxo do mar, este peixiño... Non vos olvidedes de porlle o voso nome, aínda que sexa con axuda. 

Recordade que este ano o proxecto do cole é o mar, así poderemos engadir todo iso que facedes.

3. Lóxico-matemática: hoxe imos facer algo distinto, con axuda da vosa familia buscade un recipiente transparente e enchelo de algodón ata  a metade, meter entre o algodón e a parede do recipiente varias lentellas. Regalo e poñelo nun lugar luminoso e cálido (non botar demasiada auga, manter o algodón húmido). Dentro duns días irán brotando folliñas e crecendo os talos. Apuntade nun folio, de vez en cando, canto mide o talo e o día.

Xa me contaredes!

4. Psicomotricidade: a saltar e andar! 

Saltos hacia adelante, hacia atrás, de lado, no mesmo sitio, á pata coxa... Andar con pasos grandes, con pasos pequenos... Xirar sentados no chan collendo os xeonllos coas mans e levantando os pés.

5. Inglés: "The Three Litle Pigs"

Ata mañá familia.

Actividades mércores 25 de marzo

Bo día Pitufines.

Estes días recibín fotos vosas, non hai de tod@s, pero nos lembramos igualmente del@s.

Estas son as actividades para hoxe:

1. Vídeo: "Eu quedo na casa", hoxe non vos deixo conto, a cambio podedes ver o vídeo que preparei coas fotos que mandastes. Despois facede un debuxo dunha compañeira ou compañeiro da clase. Que non vos axuden. 

2. Manualidade: imos facer un puzle; para elo tedes que escoller un debuxo que vos guste dunha revista, libro vello... pegádeo nun cartón dunha caixa vacía de cereales, por exemplo, e o cortades en seis anacos. Xa podedes xogar a montalo. 

3. Lóxico-matemática: xogamos coas pinzas de prender a roupa. Collemos dez pinzas de distintos cores e facemos distintas actividades: agrupamos por cores, xuntamos de dúas en dúas, facemos series de dúas cores...

4. Psicomotricidade: para a actividade de hoxe precisamos unha papeleira o caixa de cartón e un periódico vello ou revista. Primeiro tedes que facer pelotas con cada folla do periódico e despois encestalas dende unha marca que fagades. Tamén podedes xogar a facer unha montaña con elas.

5. Inglés: "Five Litle Ducks"

Ata mañá Pitufines.

Actividades martes 24 de marzo

Bo día pitufines.

Como fai uns días comezou a primavera, hoxe imos facer actividades cheas de cor.

Estas son as propostas:

1. Conto: "Elmer", despois de mirar o conto animádevos a facer un debuxo de algo que vos gustara.

2. Manualidade: hoxe vos propoño facer un arco da vella cos materiais que queirades e, para animar á vosa familia e aos vos@s veciñ@s, podedes pegalos nas ventás das vosas casas.

E como xa están a facer noutros sitios, pódevos axudar a vosa familia a escribir algunha destas frases:

"TODO VAI SAÍR BEN", "EU QUEDO NA CASA"...

3. Lóxico-matemática: a medir!

Cun pé diante de outro imos a medir distintos mobles que temos na casa. Cantos pés de longo ten a mesa? e o sofá?... Se vos animades podedes medir cantos pés ten a vosa habitación, para isto vos poden axudar a contar. Medide o que queirades. Ánimo!

4. Psicomotricidade: a bailar!

Poñede a vosa canción preferida e creade unha coreografía, bailade coa familia movendo mans e pernas, sentide a música e deixádevos levar. A disfrutalo familia!

Isto é todo por hoxe, mañá podedes ver algunhas fotos d@s compis que me mandaron e así estar un pouco en contacto. 

Ata mañá.

Bicos

Actividades luns 23 de marzo

Bo día pitufines.

O sábado día 21 celebrouse o día da poesía, se queredes podedes ver no blog de Bibliocrocaio un conto moi bonito que se chama "Frederick" e poesías diversas. 

Por outra banda decirvos que esta pasada semana houbo dous días a destacar: o 17 de marzo, que é o Día Mundial do Mar, para coidar os nosos mares e preservalos  e onte día 22 de marzo, que foi o Día Mundial da Auga.

As actividades de hoxe son referentes a estas datas, non vos olvidedes de facer primeiro todos os días as rutinas que vos deixeu o luns pasado.

1. Conto: "Cuidado del agua" (UNESCO), consta dun grupo de pequenos contos sobre o aforro e importancia da auga. Se queredes podedes velo en dúas partes se se vos fai moi longo. Cando rematedes facer un debuxo relacionado co mar ou a auga.

2. Manualidade: facede tres gotiñas de papel do tamaño da vosa man e decorala como queirades. Gardádeas nun sitio visible para que vos acordedes de aforrar auga e do importante que é.

3. Lóxico-matemática: nun folio escribídelle mesturados varios 1, 2 e 3. Decídelle que vos diga cales son os 1 e que os rodee de cor vermello, despois o mesmo co 2 en cor azul e por último o 3 de cor amarelo. Logo que repasen cun lapis os números do folio. Tamén podedes empregar as gotiñas que fixo para asociar os números coa cantidade que lle digades.

4. Psicomotricidade: xogamos aos bolos.

Hoxe imos facer unha pelota que lle quepa na man con papel de periódico, despois colocamos botellas de plástico vacías ou obxectos que se mantellan de pé e pesen moi pouco, a poder ser iguais, e xogamos aos bolos. Marcaremos unha liña dende onde teñen que lanzar e que conten as botellas que tiran. Podedes xogar en familia.

5. Inglés: colours. Esta é a actividade que vos deixa a profe Marisol.

Actividades venres día 20 de marzo

Bo día Pitufines

Que tal o levades? Supoño que disfrutando a tope da familia todos estes días.

Debuxade, facede cousas con plastilina, construíde, aprendede xogando cos de casa... Non vos olvidedes de ser bos e obedientes para que estedes tod@s content@s e de axudar cando podades. Que, aínda que tedes tres anos, xa son moitas as cousas que sabedes facer.

As actividades que vos deixo hoxe son as seguintes:

1. Conto: "Garbancito", mirade o conto e facede un debuxo.

2. Manualidade: co cartón dos ovos podedes facer un verme pintando un anaco de cada cor.

3. Lóxico-matemática: esta vez imos a traballar os conceptos círculo, cadrado, grande e pequeno. Pedimos a mamá ou papá que nos recorten dous círculos (un grande e un pequeno) e dous cadrados (un grande e un pequeno). Colocarémolos na mesa e lles pediremos aos nen@s que collan un cadrado, dous círculos, un cadrado grande, un círculo pequeno... Ide mezclando conceptos.

4. Psicomotricidade: hoxe vos propoño traballar a psicomotricidade fina, imos centrarnos en axilizar pouco a pouco os dediños. Para iso precisamos parafusos (tornillos) e porcas (tuercas) grandes, se pode ser, e teñen que enroscar un no outro e darlle voltas.

Ata o luns pitufines, pasade una boa fin de semana.

Non vos olvidedes de ler a entrada que puxen onte.

Saúdos.

Qué vos parece?

Bo día a tod@s

O mércores a familia de Raúl deixou un comentario neste blog sobre unha idea que me parece estupenda.

Ao parecer o neno pídelles foto todos os días do que vai facendo. A familia propón que se ao resto vos pasa o mesmo, facer un vídeo coas fotos de tod@s e subilas ao blog, para que así estean máis content@s ao ver aos seus compis. 

A min paréceme estupendo. Por se compartides a idea, vouvos mandar por Tokapp un correo de gmail para que mas mandedes e preparo o vídeo para subilo.

Un saúdo para tod@s.

Actividades para o mércores 18 de marzo.

Bo día Pitufines.

Estas son as actividades que podedes facer hoxe. A segunda é un vídeo en inglés que nos mandou a profe Marisol. 
O profe Cándido vai ir colgando no blog de música http://musicandomisol.blogspot.com/ traballiños de cantar, tocar e bailar. 

1. Conto: "Corre corre, cabaciña". Mirade o vídeo e despois facede un debuxo.

2. Vídeo en inglés: "The Very Hungry Caterpillar"

3. Manualidade: con un tubo de papel hixiénico ou de cociña facer un polbo. Intentade recortar vós as patiñas.

4. Lóxico-matemática: coller 10 lentellas, garavanzos ou outro elemento e facer grupos de 2 en 2. Logo podedes contar as lentellas sos ou con axuda. Que vos debuxen un 1 e un 2 e co dedo seguir a dirección dos números.

5. Psicomotricidade: se nalgunha parte da casa tedes baldosas ou similar, intentade saltar de baldosa en baldosa cos pés xuntos. Despois saltar de dous en dous. Andar por elas de puntillas e despois co talón mantendo o equilibrio.

Bicos pitufines!!

Actividades para o martes 17 de marzo.

Bo día Pitufines.

Ademais das rutinas que vos mandei onte e dalgunha actividade que vos apeteza da lista, vouvos deixar un conto, unha manualidade, unha actividade lóxico-matemática e outra de psicomotricidade cada día, facede as que queirades.

1. Conto: "Cocorico". Mirade os vídeos de abaixo e despois facede un debuxo do que máis vos guste. Non deixar que vos axuden, así como o fagades estará ben, son as vosas propias creacións. 

2. Manualidade: se vos apetece podedes facer un collage dun biscoito con restos de papeis, aquí si que vos poden facer un debuxo sinxelo a vosa familia. 

3. Lóxico-matemática: con fichas (ou outros elementos) de dous colores facer series, por exemplo verde-azul-verde-azul...

4. Psicomotricidade: colocar unha corda longa ou la no chan, primeiro estirada para camiñar sobre ela sen pisar fóra e despois facendo curvas repetir a actividade. 

Son @ responsable da clase

Para lembrar as rutinas da clase, decirlle que vai ser @ responsable todos os días. Para comezar que pase lista como se estivera no cole, case tod@s recoñecen os nomes da clase, se non axudádelle un  pouco.

Despois que conte os días do mes en galego ata o día actual, déixovos o calendario de marzo.

Por último asomádevos á ventá e falades do tempo atmosférico que fai.

Ola Pitufines!

Saúdos familias

Para facer máis ameno estes días, déixovos algunhas actividades xerais que podedes facer nas vosas casas. 

Despois irei colgando algunhas cousiñas máis.

Por agora envíovos dúas suxerencias que vos poden valer para todos os días, unha delas son actividades moi variadas, escoller as que queirades e a outra e unha información de rtve,  Educlan.

Pero lembrade estar pouco tempo diante de pantallas e sobre todo xogar, manipular e pensar.

Experimentos con auga

Dentro do proxecto sobre a auga e o mar, fixemos un pequeno experimento. Metimos no conxelador auga e comparamos o estado líquido e o sólido (xeo).

Semana de contos

Aquí vos presentamos os contos que @s maiores viñeron contarnos esta semana. Un deles con representación teatral, deixámosvos o vídeo.

Moitas grazas a tod@s!

8 de marzo. Día Internacional da Muller.

Neste día queremos lembrarnos de todas as mulleres importantes próximas ás nosas vidas: nais, irmás, avoas, amigas, tías, curmás, veciñas...

Por unha igualdade de calidade.

Grazas a todas por estar ahí!

Conto da semana "Gústame o chocolate"

Felicidades Leyre

Día de Rosalía de Castro

Así lembramos a Rosalía de Castro a semana pasada.